Ministri i Mbrojtjes, Ejup Maqedonci ka uruar Shtetet e Bashkuara të Amerikës për shënimin e 248-vjetorit të Pavarësisë.

Me anë të një postimi në Facebook, Maqedonci ka thënë se Kosova i është falënderuese ShBA-së për partneritetin e përhershëm, përcjell Arbresh.info

Postimi i plotë:

Sot shënohet 248 vjetori i pavarësisë së Shteteve të Bashkuara të Amerikës.

Revolucioni amerikan padyshim se do mbetet në historinë e njerëzimit si ngjarje që nxiti lëvizjet e mëvonshme anti-kolonialiste, i dha guxim popujve për të vetëvendosur fatin e tyre, e për të zgjedhur llojin e qeverisjes që duan.

Pikërisht për efektin zingjiror që pati 4 korriku si ngjarje në luftën për lirinë, të drejtat e barazinë ashtu siç i njohim sot si pararendëse e Deklaratës së të Drejtave të Njeriut duke mos u kufizuar thjesht brenda territorit të Shteteve të Bashkuara të Amerikës, por dhe si kontribues direkt në pavarësinë e shteteve tjera si në rastin e Republikës së Kosovës, do të jemi gjithmonë falenderues si komb për rolin e pazëvendësueshëm të ShBA-së në arritjet tona, andaj këtë ditë i bashkohemi festës së popullit amerikan, partnerit tonë të përhershëm.

Urime 4 Korriku!/Arbresh.info